კომპანია „ჩივე საქართველო“ დაარსდა 2023 წელს. კომპანიის საქმიანობა მოიცავს მეტალის შეკიდული ჭერის სისტემებსა და LED სანათების წარმოებას, რეალიზაციას და მონტაჟს. კომპანიის დაარსებას წინ უძღვოდა მრავალწლიანი გამოცდილება (2018 წ.-დან) რომელიც გულისხმობს: ღია უჯრედული, ხაზოვანი და პანელური შეკიდული ჭერების იმპორტს საქართველოში.
კომპანია ასევე ჩართულია „აწარმოე საქართველო“-ს პროექტში და შესაბამისად სარგებლოს შეღავათიანი საბანკო სესხით. ამჟამად უშუალოდ საწარმოში დასაქმებულია 5 ადამიანი, ხოლო უახლოეს მომავალში იგეგმება კიდევ 5 ადამიანს დასაქმება და წარმოების ხაზის დამატება, რომელიც კომპანიას მისცემს საშუალებას აწარმოოს კიდევ ერთი მეტალის შეკიდული ჭერის მოდელი. გარდა საწარმოში დასაქმებული ადამიანებისა, კომპანია ასევე ასაქმებს დამატებით 12 ადამიანს სამონტაჟო საქმიანობის შესრულების მიზნით, რომელთაც გააჩნიათ სულ მიცრე 5-8 წლიანი გამოცდილება აღნიშნული ტიპის ჭერების მოწყობით საქმიანობაში.
კომპანია „ჩივე საქართელო“ ასევე წარმოადგენს შეკიდული ჭერის სისტემების მწარმოებელი კომპანიების ექსკლუზიურ წარმომადგენელს საქართველოში, შესაბამისად მომხმარებელს სთავაზობს ნებისმიერი მეტალის ტიპის ჭერის მიწოდებას და მოწყობას.
კომპანიის ძირითადი მიზანია საოფისე, საკონფერენციო, საგანმანათლებლო, სამედიცინო, სამრეწველო, სავაჭრო და სასაწყობე დანიშნულების მქონე სივრცეებისა და შენობა-ნაგებობების მეტალის შეკიდული ჭერის მოწყობა და ინტეგრირებული LED სანათებით აღჭურვა.
„ჩივე საქართველო“-ს გუნდი ორიენტირებულია წარმოების არეალის მუდმივ განახლებაზე და გაფართოებაზე, მომხმარებელს შესთავაზოს უმაღლესი ხარისხის პროდუქტი და სერვისი რათა დაიკავოს მოწინავე ადგილი როგორც ქართულ ასევე საზღვარგარეთის ბაზარზე.
